argia

Laminak eta mapak

ARGIA
jendearentzat musutruk

Zeruko ARGIA sutondoan argazkia

Juan Bautista Larretak Oiartzabal sendiari Andoaingo Istuitza-Txiki baserrian ateratako argazki historikoa.

1925ean Juan Bautista Larreta Andoaingo Azelain etxeko nagusiak, Azelaingo jauntxoa ere deituak, ateratakoa da; orduko Zeruko Argiak berak eskatuta. Baina nortzuk dira ARGIA eskuetan duen mutikoa eta bere inguruan dituenak? Nori ari zaio irakurtzen astekaria sutondoan? Andoaindarra da argazkian ageri den familia ere, Oiartzabal familia. Lontxo Oiartzabalek kontatu dizkigu argazkiaren xehetasunak, oraindik mutikoa zen bere 12-13 urteko aita baita erretratuko kideetako bat. “Aitonaren atzean agertzen dena da gure aita” adierazi digu; “eta bere anaia gaztea da Zeruko Argia irakurtzen ari dena”. Bere aitaren aldeko sendia da, eta bertan dira Lontxoren aitona-amonak zirenak, izeba-osabak… bakarra falta da, Lontxoren osaba gazteena, 1925ean oraindik jaio gabea.
    Maitea dute oso etxean argazkia. Espresuki astekariarentzat aterea izan zen, prestatutako irudia da, baina azken finean oiartzabaltarren familiako argazkia da; familiako altxor txikia. Gaur bizirik den oiartzabaltarren ondorengo bakoitzak du etxean arbasoen erretratua, baina Lontxok aitortu digu ez dela atera zen bakarra. Hiruzpalau argazki ba omen dira guztira, elementu batzuk lekuz aldatuta, batzuk jarri eta beste batzuk kenduta… Eskuineko egurrezko aulki horren gainean Txomin Agirreren Garoa eleberria jarrita dagoela ba omen da irudiren bat, adibidez.
    Senideen oroigarria izateaz gain baserriarena ere bada, Sorabillako lurretan dagoeneko ez baita haren arrastorik, 1988tik. Bota egin behar izan zuten eraikuntzaren egiturak zituen arazo batzuk medio.

Neurriak: 70 zm X 52 zm

Oharrak

Eskaera egiterakoan "Oharrak" atalean azaldu beharko duzu nola eskuratu nahi duzun aukeratu duzun produktua:

A/ ARGIAra bila etorriko zara ( ordutegia: 08:00-14:00, Industrialdea 15, Lasarte-Oria, Gipuzkoa)

B/ Mezulariaren bitartez jasoko duzu eta eskura ordainduko diozu bidalketa gastua.

* Idatzi zure  telefono zenbakia eta mezularia zurekin harremanetan jarriko litzateke eguna eta ordua zehazteko.

Ordaindu beharreko kopurua: (5 kilo arteko eskaera)

  • 20 km-ko ingurunea: 5,00 €
  • Gipuzkoa: 7,00 €
  • Bizkaia eta  Araba: 8,00 €
  • Nafarroa: 9,12 €
  • Lapurdi, Nafarroa Beherea eta Zuberoa: 10,12 €

ARGIA Jendearentzat musu-truk emandako gaia. Gure errepublikan eman eta hartuz, denok ongi bizi gaitezen elkar zaintzen dugu.

Konfiantzan oinarritzen da Gure errepublika. Ez diogu ARGIA Jendeak gure buruari zenbakirik jarriko (gakorik, harpidetza zenbakirik), ez elkarri eman nahi dizkiogun gauza hauei giltzarraporik. Aske bizi nahi dugu. Hortik aurrera, ARGIA Jendeari eskuzabaltasunez eta bihotz zabalik ematen dionari tranpa egin nahi diona, hor konpon bere kontzientziarekin.

Gai hau eskuratu nahi baduzu eta oraindik ez bazara ARGIAkoa, oraintxe duzu aukera. Badakizu dagoeneko ARGIA Jendea egiteko diru ahalmena ez dela baldintza: bakoitzak nahi duena hartzen du ARGIAtik eta bakoitzak egoki ikusten duen eta ahal duen ekarpen ekonomikoa egiten du.