Ilargia eta landareak 2025 urteko lanen agenda

Agenda hau bezalakorik ez duzu topatuko euskaraz.

Ilargiaren araberako urte guztiko lanak, astero nola egin baratzean, fruitu arboletan, lorategian eta basoan: noiz eta zer erein, zer landatu, nola inausi, nola  tratatu, zer uzta jaso, nola txertatu…

Zortzigarren urtez, Jakoba Errekondoren urteetako jakintza eta esperimentazioa topatuko dituzu, zehaztasunez eta mimoz egindako lan honetan. Antton Olariagarenak dira azala eta barruan dauden animalia laguntzaileei buruzko hamahiru lamina ikusgarri.

Antolatu baratzean eta orokorrean landareekin egin beharreko lanak ilargiaren arabera.

Lantokian erabiltzeko ere erosoa eta atsegina da.

Ikastetxean erabiltzeko material hezitzailea da eta eskola baratzerako funtsezko tresna.

Erosketa antolatzerakoan, kontuan izan zer den bertakoa eta sasoikoa.

Eduki nagusiak:

• Aste osoko ikuspegia erakusten du.
• Egun bakoitzak leku nahikoa du hitzorduak eta zereginak idazteko.
• Ilargiaren arabera zer lan egin baratze, fruitu arbola, lorategi eta basoan azaltzen du.
• Hilero, astero eta egunero lanak gomendatzen ditu.
• Informazio zabala dakar: noiz erein, landatu eta uzta jaso, nola egin ongarriketa, tratamendu naturalak, ilargiaren eragina…
• Astero ilargiaren bi zikloak azaltzen dira: ilgora/ilbehera eta ilberri/ilzahar. Baita ilargi beteak, berriak eta eklipseak ere.
• Hilero bertako eta sasoiko barazkiak.
• Hilero ilustrazio/lamina eder bat.
• Tenporak.
• Hilabetekako ikuspegidun egutegi laburra.
• 2026ko egutegi orokorra.
• Oharrak, kontaktuak, marrazkiak, planoak… egiteko orrialde txuriak.
• Hilekoaren jarraipen egutegia.

Gainontzeko edukiak:

• Baratzea zortzi urratsetan
• Landare laguntzaileak
• Ongarriketa
• Txandakatzea
• Nor norekin
• Tratamendu naturalak
• Luarra nola egin?
• Ereite, landaketa eta uzta jasotzeko egutegia
• Fruituen uzta urtean zehar egutegia
• Landareen zerrenda
• Hiztegia

Urteko gaia: animalia laguntzaileak